1 верасня - Дзень ведаў
Вось і наступіў гэты радасны восеньскі дзень , напоўнены ўсмешкамі і кветкамі, свята ўсіх: дзяцей, настаўнікаў, бацькоў, усіх, для каго школа стала родным домам.
1 верасня - Дзень ведаў і старт новага навучальнага года. Гэта свята адзначаеццра у Год народнага адзінства. Беларусь — краіна багатых традыцый, мудрасці і талерантнасці. Любіце і шануйце сваю краіну, мову і традыцыі.
Школа чакае вас , утульная і прыбраная. Таму хочацца пажадаць, дарагія і любімыя нашы вучні, каб гэты дзень не быў прычынай смутку, а запомніўся доўгачаканымі вясёлымі сустрэчамі, задорным і звонкім смехам, новымі цікавымі знаёмствамі і абуджэннем прагі да ведаў.
Хвалюцца сёння нашы адзінаццацікласнікі. Для іх гэты навучальны будзе апошнім. Пажадаем ім сіл і цярпення на ўвесь будучы год! Высокіх адзнак, лёгкіх кантрольных, цікавых урокаў і верных сяброў. Упэўнена ідзіце да сваёй мэты, верце ў сябе.
Першакласнікі стануць сёння паўнапраўнымі жыхарамі нашай дружнай і вясёлай сям’і. Пажадаем ім цёплай атмасферы, цікавых падзей, добрых адзнак. Поспехаў, удачы, здароўя, цярпення і выдатных вынікаў.
У добры шлях.
