"За імі будучае......"
Святкаваць Дзень абаронца Айчыны у Рэплеўскай СШ пачалі яшчэ 21 лютага. Вучні 7 класа павіншавалі ўсіх мужчын цудоўным канцэртам і запрасілі хлопчыкаў з 5 па 8 класы паўдзельнічаць у рыцарскім турніры. Сучасныя рыцары дэманстравалі знаходлівасць, фізічную падрыхтоўку, вытрымку і ўменне танцаваць пад сучасны поп, рэп, хіп – хоп кампазіцыі. Будучыя абаронцы Беларусі з усімі заданнямі справіліся лёгка, з захапленнем і азартам. Настрой удзельнікаў перадаўся гледачам, якія актыўна падтрымлівалі сваіх фаварытаў. А 22 лютага ў спартыўнай зале школы адбыўся сапраўдны агляд строю і песні. Вучні 4 – 8 класаў паказалі ўменне маршыраваць, ліха выконвалі загады камандзіра атрада. Пасля эстафета 23 лютага перанялі вучні 9 – 11 класаў. У спартыўна – забаўляльнай гульні “Гэй, хлопцы” яны паказалі ўменні хутка і якасна чысціць бульбу, завязваць гальштук, танцаваць вальс і г.д. Усе ўдзельнікі з гонарам вытрымалі іспыты і даказалі, што будучае нашай краіны ў надзейных руках.
